КОНКУРС ЧЫТАЛЬНІКАЎ

На базе рэсурснага цэнтра “Цэнтр беларускай мовы і культуры” ўстановы “Гімназія № 23 г. Мінска” прайшла святочная цырымонія ўзнагароджання конкурсу чытальнікаў “Як мала сіл, каб стаць іх летапісцам, як мала слоў, каб расказаць пра іх”‎. Конкурс прысвечаны 80-годдзю Перамогі ў Вялікай Айчыннай вайны.

З віншавальнымі словамі да вучняў звярнуліся:

начальнік аддзела дашкольнай, агульнай сярэдняй і спецыяльнай адукацыі ўпраўлення па адукацыі адміністрацыі Савецкага раёна г.Мінска І.В.Кахно;

загадчык аддзела славістыкі і тэорыі мовы Інстытута мовазнаўства ім.Я.Коласа НАН Беларусі, кандыдат філалагічных навук Т.М.Аліферчык.

Пераможцам і ўдзельнікам конкурсу былі ўручаны Дыпломы і Падзякі!

Конкурс чытальнікаў падкрэсліў важнасць памяці пра Вялікую Айчынную вайну і значнасць удзелу моладзі ў захаванні гістарычнай памяці праз літаратуру і мастацтва слова!